cena

you cant see me
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 صور وقت فليم رعب الي اخاف لايدش الفلم اهو !!!saw2

اذهب الى الأسفل 
كاتب الموضوعرسالة
Admin
Admin
avatar

عدد الرسائل : 118
تاريخ التسجيل : 06/07/2007

مُساهمةموضوع: صور وقت فليم رعب الي اخاف لايدش الفلم اهو !!!saw2   السبت يوليو 28, 2007 5:30 pm

كيفكم ؟ اليـوم مافيه فيديو وصـور اليوم فيه رعـب يعني الي خايف يـرَوَح وكل واحد يتمسك في الي جنبه علشان ننطلق <<<-- أسمع بالتشويق , المهم جايب لكم اليوم فيلم من احلى افلام الرعـب بالسنة الماضية الي هو بجزئه الثانـي بعـد ما انطرح جزئه الأول قبل سنتين .. حيث يستمر فيه اللعـب مع الموت saw

SAW ll




-: إخـــراج




Darren Lynn Bousman

يعتبر عمله SAW2 مخرج هالفيلم يعتبر تقريباً أول عمل له ! اذا تجاوزنا العملين العاديه الي قدمها في بداية الألفيه ف الأول في مجال الإخراج لكن الطريق أمامه واسع اذا عرفنا ان عمره مايتجاوز 27 سنه فقط , اما الجزء الأول اخرجه الشاب الماليزي جيمس والي ما ادري ليش استبعد من اخراج هذا الجزء وخلوه منتج فقط ! يمكن لانه مو امريكي <<-- ياقافطهم يا أنا

-: الـكُــتــاب

Leigh Whannell
Darren Lynn Bousman

-: بـطـولــــــــة



Tobin Bell AS Jigsaw



Shawnee Smith AS Amanda



Donnie Wahlberg AS Eric Matthews



Franky G AS Xavier



Glenn Plummer AS Jonas


:

-: الـســــالفــــــة

على الرغم من انه في افـلام الرعب مانهتم كثير للقصـة بقدر الاهتمام بالمؤثرات وطريقة الاخراج والمدى الي يخليك المخرج فيه تقمط ام العافية , الا ان القصـة في فيلمنا كان لها حظور مميـز .. فـ جيغسو العقل المدبر في الفيلم يقوم بجمع مجموعة أشخاص يزعم بأنهم مايعرفون قيمة الحياة ومستهترين فيها ويقفل عليهم في منزل على أساس يبي يربيهم ويعلمهم معنى الحياة .. لكن الظاهر انه مايعرف يمزح لانه يمارس معهم ألعاب مختلفة فيها دروس والفشل فيها يعني الموت

طبعاً الشرطة تكتشف الموضوع من بدايته لكن مافي أحد يعلم موقع المنزل وكل ماقدروا يوصلون له هو العقل المدبر جيغسو والي دلهم على موقعه وحب يتفاوض معهم وجهاً لوجه , والأسوأ كان بأن الضابط او التحري المسؤول عن العملية هو والد أحد الضحايا دانييل الي محتجز مع البقية في المنزل

هذا المنزل موصل بتهوية تبث غاز سام مايحتاج اكثر من ساعتين حتى يقضي على الموجودين ! يعني مافيه احد يقول بجلس انتظر الشرطة لين تجي تطلعني .. الي يبي يطلع يحاول يطلع بنفسـه ويواجه ألعاب الموت الي وضعها جيغسـو او بالأدق انه يبحث عن الإبر الي تحتوي المصل المضاد للتسمم وهي موزعه في ارجاء المنزل , الضحايا هذي المرة ستة أشخاص فيهم تاجر المخدرات وفيهم المستهتر بالحياة وفيهم وفيهم ويشتركون كلهم بعـدم معرفتهم لقيمة الحياة

وفي الجهـة الأخرى كان مدبر هذي الألعاب جيغسو يتفاوض مع إيرك ماثيوس بكل برود أعصاب , لأن أي عمل يمارسه

ايرك ضد جيغسو ماراح يكون في مصلحة الضحايا المحبوسين في المنزل

الألعاب او التحديات الي وضعها جيغسو لضحاياها عـديدة في الفيلم ماحب أحرقه بذكرها لكن بكتفي بأول لعبة والي اكتشفت معها الشرطة بوجود المسألة بكاملها وكانت البداية




الضحية الأول يفتح عيونه ويلقاه في غرفـة ومربوط في راسه جهاز او قناع الموت والي مليان من كل جهه بالمسامير .. بعد ما استظرف جيغسو مع الضحية شوي قاله مكان المفتاح الي يقدر يفك فيه الضحية القناع , والي قدر القاتل ان يزرعه داخل عين الضحية بعد ماخدره وترك مصيره في يـده وقاله المفتاح خلف عينك .. تبغـى تفك القناع وتعيش طلع عينك وخذ المفتاح .. لكن الوقت دائماً أسـرع ؛




( ما مات ما مات ترا ( يقالي مااحرقت الفلم ) خخخخخخ )


:

-:صور




( والله يالمشهد يوجع )



( مسوي فيها قوي الحين ؟ طيب نشوف)



( هذا دخل للفرن يبي يسوي لقيمات مايدري انها تتسوى بالزيت ( م ا ص ل ) هع )



( الظـريـف جيغسو )



( وراه ماتصيح احسن يازلابه ؟ ومسوي القوي قبل شوي )



( ياعزتي لتس )
:

-:مـقـتـطـفــــــات عن التصوير

الفيلم اخذ من الطاقم 25 يوم تصوير فقـط , وكافة مشاهده تصورت في بنايه وحده بس


البوستر بتاع الموفي الي حاطه انا والي كان بالبداية هو الرئيسي انطلب انهم يغيرونه لان حركة الاصبعين ماكان مفهوم انها تعني الجزء الثاني .. لذلك نشوف فيه للفيلم اكثر من بوستر

في مشهد حفرة الأبر .. استخدموا 120 ألف إبـرة علشان يطلع المشهد كذا !! ليتهم معطينها مستشفى الملك خالد أبرك و لما بغوا يصورون مشهد سحب الأبر من يد اماندا استخدموا يد مزيفه الظاهر قالت لهم الدعوه ميب حلى أبي يديني , واخيراً احتاجوا أربعة اشخاص على مدى اربع ايام برضوا علشان يستبدلون رؤوس الأبر الحقيقه برؤوس من الليف

في بداية الفيلم لما ابو إيريك راح لمركز الشرطة حتى ياخذ ولده الصايع .. هالمركز ماكان الا غرفة الملابس لطاقم الفيلم !

شاوني سميث الي لعبت دور اماندا كانت اثناء تصوير حامل , لكنها ماعلمت المخرج او اي احد علشان ما يمسكونها الباب خخخخخ بس بالأخير بنتها كبت العشا وقالت للمخرج ترا امي حامل

اغلب الممثلين في الفيلم لما عطوهم النص ماعطوهم آخر 25 صفحه منه علشان يغبون نهاية الفيلم عنهم ! وماكان يعرف النهاية الا الممثلين الرئيسيين والمخرج والكتاب بس ! الله يخلف على طاش ما طاش

:



منقول jocolor



مع تحيات : queen
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cena-222.ahlamontada.com
الماني

avatar

عدد الرسائل : 78
تاريخ التسجيل : 08/07/2007

مُساهمةموضوع: رد: صور وقت فليم رعب الي اخاف لايدش الفلم اهو !!!saw2   الأحد يوليو 29, 2007 5:38 pm

مشكووووووووووووووووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صور وقت فليم رعب الي اخاف لايدش الفلم اهو !!!saw2
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
cena :: قسم الصور والغرائب-
انتقل الى: